Super Busy
Monday – 上午都冇乜野;下午就一個人做兩份工咁,好耐都未試過用咁高速砌html,對上一次應該係o係VVZ幫政府部門砌了;夜晚 OT 到11點幾,完全回復返o係 GI 時咁樣
Tuesday – 上午開會;下午由中環去TST再去荃灣,好彩之後唔駛再返中環,因為個客幫我改晒d野,Thank you!
Wednesday – 上大陸。朝早去中山簽contract,攞左一間食品公司o係 HK o既代理權。之後去廣州睇廠,再去黃埔軍校附近睇地,不過我冇幾億咁多錢,冇可能發展。如果有人有咁多錢又想投資地產項目可以搵我。夜晚去東莞食飯,食完飯仲要趕返HK
Thursday – 由 9:30 am 做到 1:30 am,中間幾乎冇停過。總算完成左個project,可以鬆一口氣。
Friday – 朝早返TST,一返到office就話要即刻上大陸。去左東莞睇廠,之後就返 HK。咁就浪費左一日
其實大陸d野都唔係真係咁平,七個人食lunch都要五百幾蚊… 不過d野係好食,比HK好好多。o係中山食西餐,塊牛扒好嫩,從未食過咁好味o既牛扒。o係旺記食大閘蟹,隻蟹大過o係 HK 時食o既成倍,又多膏,正!!
所有人都話要面向祖國,全世界都話要去中國發展。睇黎連我都要,以後可能仲要上多d大陸。但係我唔識普通話ar… 點算?
嘩~~食品公司代理權?? 你會開士多呀? 我又開…. haha將廣東話轉"咩"d 音就係普通話了. haha. 人地聽得明ga la. hahaha…
睇廠,… 識唔識架你…睇埋老婆lor…又溫柔又好人, 都好過香港ga~~~ hahahah
係代理湯包ar,士多冇得賣ga。我冇諗過要開士多,不如開間cafe la。so far 我都係講緊純廣東話,講多幾次佢地就明,不過我諗o係廣東先work。我遲早都要學普通話其實我都唔知自己做乜ga,d人鍾意介紹d乜我咪睇乜lor。香港都有好多好女仔ga,妳唔好以為個個都好似妳咁樣先得ga… :P